今時今日，唔知仲有幾多 wire 民還有玩 Pokemon Go，雖然到現時為止，大家最期待的對戰功能還未開放。不過，隨著今日的更新，官方終於加入全新第二代 80 款精靈，未知今次又會唔會再次吸引一班已棄 Game 的玩家再次拎起部手機去捉精靈呢？
80 款二代精靈等你捉
今次的更新，主要是加入 80 款全新第二代金銀版精靈，除了可以野生捕獲之外，以前可以用的「秘技」，依貝透過改名可以進化指定的依貝，大家現時只需要先為依貝改名為 Tamao 或 Sakura，即可進化成月亮依貝或太陽依貝，但只限一次。
二代進化需要全新素材
另外，今次更新亦同時為部份竉物加入二次進化，例如小呆器除了可以進化成大呆獸之外，只要有全新道具更可以進化成呆呆王。至於，波音蝠在第一代時只可以進化成大口蝠，現時大家只要付出多 100 個糖果，就可以再進化成叉字蝠，至於進化後是否可以一洗之前「公廁蝠」之名，成為打雷台的主力就有待各位 wire 民發掘。
全新介面全新裝備
隨著更新，相信各位仍有玩的 wire 民，都會發現介面有所不同，因為官方同時加入了全新消耗品（Berry），聲稱比原有的更有效，可以更容易捕捉新精靈，至於入手方法同以往一樣，只要轉 PokeStop 就有機會入手。另外，各位玩家唔想個樣再千遍一律，現時就有更多不同的打扮可以配襯，而部份就要用金幣先可以入手，各位又會唔會因為想打造一個與別不同的角色而再次課金呢？
現時精靈背包半價發售
又有新精靈自然會令到原本已經未多夠用的精靈包再次爆滿，官方現時就推出精靈背包半價限時優惠，由即日起至 28 日，只需要 100 金幣就可以擴充 50 格，想捉多幾隻新精靈又未必課金的 wire 民，就好趁這段時間每日打雷台拎 10 金幣喇！
• 要入手生活科技潮物 即上 unwire store https://store.unwire.hk/
The post 望穿秋水！Pokemon Go 終於推出第二代精靈！ appeared first on UNWIRE.HK 玩生活‧樂科技.