籃球 Fans 每年9月都好似足球 Fan 咁等待一年一度的遊戲大作《NBA 2K17》，Duncan 亦是呢個系列的其中一位粉絲，由電腦時代一路來到最新的 Console，每年玩完新遊戲相信大家都會好似小編咁諗到:「除咗畫面再靚 D，下集仲可以加D 咩?」，最新的《NBA 2K17》剛剛終於正式推出，當中加入了唔少可能大家諗都冇諗過既野，以下就等 Duncan 和大家慢慢介紹新元素同埋分享試玩後感想！
全新拍住玩 My Career 模式
要數 NBA 2k17 最大的突破，就是由上集 Spike Lee 做導演的 My Career 模式將有全新的設計，今年找來了荷里活影星 Michael B. Jordan 飾演玩家大學入面的籃球隊好拍檔 Justice Young，玩家將會和他共同進退，一起踏上 NBA 之路。而今集 2K17 最過癮之處是它的玩法提供極大的自由度，小編覺得遊戲有點像 GTA 一樣，玩家成日都要睇手機、去練波定打機都可以由你話事，能否成為 NBA Rookies 的 First Pick 做狀元就要睇下大家有幾努力了! 當然遊戲提供超級 Detail 的球員創造功能，玩家只要利用手機上面的 MyNBA2K17 便可以把自己的面容掃瞄並上載到遊戲的 My Career 模式球員入面，不過佢掃瞄時候的辨認速度就一般， 玩家可以要花多少少時間慢慢 scan 到滿意為止。
單看遊戲中的手機畫面還有一刻以為自己在玩 GTA 呢~
This is not a game! 細節制霸
此外，《NBA 2K17》在 Game Play 的球員動作連貫性變得更加流暢，從無球跑動、帶波上籃，過人時的假動作都更加神似，而不會像機器人動作一個連住一個，中間總有著奇怪的停頓好似 Lag 機一樣。另一方面，只要看過 trailer 的朋友相信一定會對在籃底下的激烈身體接觸印象深刻，2K17 遊戲中的球員間的身體碰撞不會再好似以前間中會出現球員之間手會穿身而出又或者以前間中出現嘅甩皮尷尬情形，球員之間的力量比拼、推人動作將會因應球員的力量和身體的狀態展露出來，大家可以試試用 LBJ 去鏟入籃底上籃就可以了解有甚麼改進了。
各大 NBA 球星全部都採用了 360 度的 Capture，由汗水、面容、紋身、動作姿態都能夠如實呈現出來。
前 NBA 球星齊齊加入講波行列
小編覺得一直以來 NBA 2K 系列的旁述已經做得相當不錯，係緊張關頭、大力入樽之類的情況氣氛非常好，而開場、中場和完場時 O’neal、 Kenny Smith 等人的 Chit chat 亦十分生鬼，不過 2K17 可能會令大家再有驚喜! 除左繼續保留中場、完場的明星訪問環節，再新增了一大堆大家耳熟能詳的前明星及場邊記者如: Brent Berry, Steve Smith, Doris Burke, Chris Webber,David Aldridge 等等，完全無需要擔心好似某足球遊戲公式化對答和講波，而且遊戲仲加入左全新的教練訓話時間，大家可以聽到如:布拉德·史蒂文斯（Brad Stevens）、道格·里弗斯（Doc Rivers）、賈森·基德（Jason Kidd）向球場講解戰術，錄音多達 150 條，小編就覺得似睇緊波多過打機啦~ 笑
由靚女主持的 2KTV 仍然是小編最喜歡的節目之一呢!
史上最齊波鞋任你揀
其實各位 2K Fans 都一定留意到遊戲入面球員所著的球鞋已經是現實中的型號，不過就比較模糊，而且亦從來不是一個特別賣點。不過 2K17 為了追求真實，特別找來 300 多對球鞋進行 360 度的 3D 掃描，所以你在遊戲中看到的球鞋，基本上都是現實世界中的最新款式，不論是 LBJ、KD、D.Rose、Air Jordan 或是全套 Kobe 球鞋都可以係比賽入面見得到，對於鐘意波鞋的朋友又或者是籃球 Fans 來說，單單是睇球鞋和幫自己的 MyCareer 換波鞋相信已經自有樂趣。
新操作系統容易上手
今集《NBA 2K17》採用了全新的射波瞄準系統，傳球、控制上亦和上集有一點分別，當記者問及怕不怕發燒玩家又要從頭學習而難以適應呢？Erick 表示完全理解玩家有這種想法，採用新控制系統和玩家熟悉的操控方法之間是一個兩難的局面，有人喜歡新遊戲所帶來的新鮮感、新元素，有人喜歡熟悉的感覺一樣，新東西會難以適應。雖然 2K17 加入了全新的 Shot Meter，又提供了 Jump Pass / Bounce Pass 等不同傳球方式，幸好整體操作大致上和上集相同，小編玩左一陣就快適應到，而且傳球變化仲多左好多！
最佳射波 Timing 就係圓形下半段由左至右被白色能源條完全覆蓋，若果被系統認為是完美出手，就會變成綠色，入球機會大增，不過若果被人緊貼防守，即使是完美出手一樣可能不入。
K 教練親自登場 2KU 教學模式
相信大家都一定試過同人挑機的時候見到有特別的招數或者戰術唔識用，不過若果要大家慢慢睇 Tutorial 教學肯定大家都冇咁好耐性，而新一集 2K17 就好好咁解決左呢個問題，全新的 2KU 教學模式，功妙咁利用2016夢幻隊的隊內練習來作為操作教學，基本上玩家係操作一隊 All Star 進行對戰，系統只會間中彈出一些操作上的提示，並不會要求玩家按步就班咁學習，而且仲會有美國籃球隊總教練 Coach K 出來講解戰術，只要是喜歡籃球的朋友，見到份量十足的 Coach K 走出黎同你講戰術，點都要俾面聽下啦!
《NBA 2K16》PS4 亞洲盃冠軍高志偉短評:
玩了 2K 系列超過 5 年的志偉是《NBA 2K16》的亞洲區冠軍，絕對有資格代表資深玩家的意見，他表示《NBA2K17》和上集最明顯的不同，就是進攻和防守都變得更加順暢，玩起來很過癮！球員出手的弧度高了很多，如果要用右杆來投籃的話，出手的時間點要拿捏得很精準，而上集覺得在防守上尚有改善空間的搶截(Steal)和火鍋( Block)，在 2K17 亦有所改善，不過整體遊戲的難度暫時看不出有提高很多，需要再多一點時間慢慢摸索出來。
Duncan 玩後感: 遊戲更流暢、攻守都易咗
雖然小編只係試玩左幾場正式版比賽，同埋玩左網上的 5場 Demo Game《The Prelude》大學賽，首先發現球場畫面的細緻度再度提高了一些，觀察們再不是 copy and paste 而是人人衣著和動作都有所不同。不過這點相信亦是各位玩家早已預計到的元素，而另一個比較深刻的地方是比賽時的流暢度提高了不少，以前轉守為攻，又或者快攻、 one on one 進攻的時候總會覺得「窒下窒下」，例如比防守球員Mark住嘅時候好唔流暢，不過今集這個問題得到了明顯的改善，攻守的流暢度增加不少，而且 Point Guard 帶波、控球時的 crossover、dribbling 亦較上集自然流暢。配合全新的現場收音、旁述同埋場邊球迷的反應，戴住耳機玩《NBA2K17》 絕對有現場感覺！
操作方面，由於用上了新的 Control system，雖說控制大致相同，不過小編仍花了一點時間適應，例如可以在唔同情況下利用 Bounce Pass 或者 Jump Pass 交到內線的球員，大大減低被Steal的機會。而要做 crossover 或者個別 All Star Level 的 PG 亦可以利用右邊的 Analog Stick 來使出 Signature Move(CP3、Harden、Curry 等等)，而且搖杆亦可以在上籃時控制正手、反手甚至使用 EURO STEP 完成，靈活性相當之高！而小編覺得改變較大的地方是新的 Shot Meter，玩家要好好掌握出手的球員是Hot hand 還是 Cold Hand，看看球員下方的圓圈是紅色或是藍色，再要配合 Full Bar Timing 才能提高命中率，不過在射罰球時 Analog Stick 加入了角度元素，只要上下移動不夠直，便會令罰球出手偏差，曾令小編連續射失 3個罰球而輸掉了比賽呢~ 哭
用 The Truth 嚟射罰球,timing 和 Griffin 只是差不多，不過就是一個入一個唔用，所以話球員數值的影響比射成點更加重要。
首批 PS4 和 XBox One 遊戲將收錄夢幻一隊和 2016 Team USA。《NBA 2K17》將推出 PS4、PS3、Xbox One、Xbox 360 及 Windows PC 版本，普通版售價 $428、Legend 版 $568、Legend Gold 版 $768。
想知多啲有關遊戲開發的相關資料，可參閱以下報導:
好多 NBA 球星都係 2K 超級 Fans！遠赴台灣專訪 NBA 2K17 遊戲製作人 Erick Boenisch
• 不想錯過新科技 ? 請 Follow unwire.hk FB 專頁 http://facebook.com/unwirehk/The post Duncan 試玩《NBA2K17》:「一定要戴耳筒玩、射波 timing 好重要！」 appeared first on UNWIRE.HK 玩生活‧樂科技.